Vatn
Lærdal kommune har tre godkjenningspliktige vassverk. Dei er: Borgund vassverk, Saltkjelen vassverk og Hauge vassverk. Sistnemnde er eit nytt vassverk som knyter saman tidlegare Lærdal vassverk og Håbakken vassverk. Altså forsyner Hauge vassverk både Lærdalsøyri og Håbakken med vatn.
Avlesing av vassmålar
Husstandar eller bedrifter som har vassmålar må lesa av målarstanden og registrera verdien ei gong i året. Frå 2024 skal dette gjerast elektronisk. Slik skjer det (anten A eller B):
A. Dei abonnentane med vassmålar me har telfonnummer til i registera vil få ein SMS frå KomTek. Her blir du blir beden om å skriva inn målarstanden. Då skal du svara med berre siffera du les av på målaren, ikkje noko anna (Då får du feilmelding). Dersom du svarar med berre siffera får du ei stadfesting på SMS, og då er registreringa i orden - sjå eksempel på SMS her:
B. Abonnentar me ikkje har telfonnummer på i registera, vil motta brev frå Lærdal kommune. Her vil det stå instruksar om korleis du registrerer målarstanden. Essensen her er å leggja inn ein kode som står i dette brevet på leseav.no, i tillegg til sjølve målarstanden, avlesingsdato og mobilnummer.
Det er altså anten A eller B som gjeld, du skal ikkje registrera målarstanden meir enn ei gong.
Det er pr. 2024 om lag 80 abonnentar i Lærdal kommune som har vassmålar - dei som ikkje har vassmålar treng ikkje forhalda seg til dette.
Avløp
Lærdal kommune har avlaupsanlegg på Steinklepp, Saltkjelen, Håbakken og Lærdal. Kommunen har vedlikehald og tilsyn med ni pumpestasjonar, to infiltralsjonsanlegg i tillegg til renseanlegget på Grandane.
Prøvetaking
SognLab utfører kjemiske og bikrobiologiske labratorieanalysar, prøvetaking og rådgjeving innan områda drikkevatn, matvare, vassdrag og avløpsvatn.
Løysingar på kommunaltekniske anlegg
Den sokalla VA-norma (norm for vatn og avløp) representerer førehandgodkjente løysingar på korleis dei kommunaltekniske anlegga skal utformast. Norma er felles for alle kommunane i Indre Sogn inkludert Høyanger, og du finn den her under “Dokumenter”. I lista under kan du sjå teikningar av ulike løysingar som ligg i norma:
Normteikning grøftesnitt 1 nivå
