Du melder frå ved å sende e-post til Mattilsynet om desse artane:
- andefuglar (ender, gjess og svaner)
- havsuler
- måsefuglar
- vadarar
- rovfuglar (spesielt ørn og musvåk)
- åtseletarar (kråkefuglar)
- småfugl (kun ved mange døde fuglar på eit lite område)
- rovdyr (primært observasjon av sjuke eksemplar av raudrev, fjellrev, artar i mårdyrfamilien, gaupe.
- sjøpattedyr (ønskjer primært melding om observasjon av sjuke eksemplar av steinkobbe og havert.
Les om symptom på fugleinfluensa på mattilsynet.no
Meldinga til Mattilsynet må ha informasjon om:
- kommune, postnummer, adresse og helst også kartreferanse (som du kan finne i kartfunksjonen på mobiltelefonen din)
- kva art det gjeld
- kor mange fuglar det gjeld
Send meldinga på e-post til innmelding.fugleinfluensa@mattilsynet.no
Det har vore eit større utbrot av fugleinfluensa hovudsakleg i Nord-Noreg i sommar, og i slutten av juli vart det også påvist fugleinfluensa på ei gråmåke i Gloppen kommune her i Vestland fylke.
Sjølv om viruset svært sjeldan smittar til menneske er det viktig at ved tilfelle der du mistenker fugleinfluensa ikkje tek på fuglen eller let kjæledyr kome i kontakt med den. Sjuk fugl skal vere i fred.
Dersom det blir påvist funn av fugleinfluensa i Lærdal kommune vil det bli organisert henting i regi av kommunen i samarbeid med Mattilsynet. Om dette vert aktuelt vil det bli informert om det på kommunen sin heimeside.
For meir informasjon sjå Mattilsynet sine heimesider:
