I kyrkjevalet vil det i perioden 10. august til 6. september vera mogleg å førehandsrøysta digitalt. Gå inn på kyrkjevalet.no og "klikk her for forhandsstemme". Der kan du vidare logga deg på med BankId eller anna elektronisk id.

Ein kan også førehandsrøysta ved å møta på kyrkjekontoret ved Hauge kyrkje:

  • Frå 10.08 til 08.09 kvar tysdag mellom kl. 10-14 på kyrkjestova.
  • 27.08 kan ein også førehandsrøysta på kyrkjestova kl. 14-15.00 (etter gudstenesta).
  • 31.08 kan ein førehandsrøysta på kyrkjestova mellom kl. 15.00-20.00.
  • Det vil bli arrangert førehandsrøysting på Lærdal bu- og omsorgssenter.
  • Ein kan ta kontakt på tlf 40 43 69 71 om tidene ikkje skulle passa og ein ynskjer å gjera avtale om tid utanom det som er sett opp her. 

Kommune- og fylkestingsvalet

Som tidlegare annonsert kan ein frå 10.august til 8. september røysta til kommune- og fylkestingsvalet i tidsromma: måndag – fredag kl 10:00 – 14:00 på Lærdal rådhus.

Ein kan også førehandsrøysta torsdag 24. august kl 17:00 - 19:00 og laurdag 26. august kl 11:00 - 14:00 

Hugs å ta med legitimasjon og ta gjerne med valkortet du har fått elektronisk eller i posten.