Dei siste åra har Lærdal kommune, næringsaktørar og organisasjonslivet arrangert Lyse dagar i Lærdal i slutten av april. Då feirar me at sola er attende og våren for alvor komen til den djupe, vakre dalen vår.
I år blir det nesten ei veke med arrangement frå tysdag 22. april til søndag 27. april - det blir eit spennande og svært variert program! No frå midten av mars att slepper me eitt og eitt av arrangementa som går av stabelen, så kjem også fullstendig program når alt er klart.
Her kjem eit arrangement som passar godt for årstida:
Laurdag 26. april kl. 14
Hagedesign med Kjersti Bergesen
Kjersti Bergesen er programleiar og kjend frå TV2 med programma Tid for hjem og Tid for hage. Ho kjem til Lærdal laurdag 26. april for å dela sine beste tips om uterom og hage.
Eit velfungerande godt uterom krev litt planlegging og ein del gode idear. Kjersti vil visa inspirerande døme på forandringar gjort i ulike typar hagar, og fortel om tankane og ideane bak. Kjersti vil og visa bilete frå eigen hage, og fortelja den ærlege sanninga om sitt ege hageliv.
Gratis inngang!
