Dei siste åra har Lærdal kommune, næringsaktørar og organisasjonslivet arrangert Lyse dagar i Lærdal i slutten av april. Då feirar me at sola er attende og våren for alvor komen til den djupe, vakre dalen vår.
I år blir det nesten ei veke med arrangement frå tysdag 22. april til søndag 27. april - det blir eit spennande og svært variert program! No frå midten av mars att slepper me eitt og eitt av arrangementa som går av stabelen, så kjem også fullstendig program når alt er klart.
Her kjem noko for dei bilinteresserte:
Laurdag 26. april frå kl. 11
Vårslepp med Indre Sogn Automobilclub
Mangt og mykje kjem ut av vinterdvalen på våren, det gjeld også kule bilar. Så under Lyse dagar i Lærdal i år samlast bilentusiastane i Indre Sogn Automobilclub på plenen vis-a-vis Løytnantsbryggja.
Her blir det gromme doningar som vil skinna i vårsola, som vonleg tittar fram over fjellsidene. Laurdag 26.april frå slik i 11-tida, altså!