Dei siste åra har Lærdal kommune, næringsaktørar og organisasjonslivet arrangert Lyse dagar i Lærdal i slutten av april. Då feirar me at sola er attende og våren for alvor komen til den djupe, vakre dalen vår.

I år blir det nesten ei veke med arrangement frå tysdag 22. april til søndag 27. april - det blir eit spennande og svært variert program! No frå midten av mars att slepper me eitt og eitt av arrangementa som går av stabelen, så kjem også fullstendig program når alt er klart.

Her kjem ein skikkeleg godbit under Lyse dagar i Lærdal 2025:

Fredag 25. april – laurdag 26. april kl. 19 begge kveldande

Kvalifisering til Karaoke-NM og allsangshow på Lærdal ferie- og fritidspark

I 2025 kan me sjå fram til ein vår der du har høve til å stå på scena og synga deg – forhåpentlegvis - vidare til VM-finalen i karaoke i Bangkok. Lærdal ferie- og fritidspark er arrangør av kvalifiseringar og regionsfinalen i Vestland på Lærdal showtheater. Første runde blir under Lyse dagar i Lærdal.

Ein kan sjølvsagt møta opp som publikummar og heia fram talenta på scena – det er gratis inngang! I tillegg får publikum nyta mykje god underhaldning – konferansier desse to kveldane er nemleg artist Henning Fladberg og så kjem artist Matt Byrne, kjend som tributeartist til Robbie Williams.

Programmet er slik:

  • Kl. 17.-19.30. Mogleg å kjøpa seg mat før underhaldninga startar.
  • Kl. 18.00 Dørene opnar, bakgrunnsmusikk
  • Kl. 19.00 Allsang på Granden startar
  • Kl. 20.00 Karaoke-NM kvalifisering
  • Etter deltakarane i karaoke-NM sine bidrag held Allsang på Granden fram til juryen tek si avgjerd om kven som går vidare til regionsfinalen.
  • Kl. 22.00/22.30. Juryen avgjer kven går vidare til regionsfinalen.
  • Allsang på Granden held fram, seinast slutt kl. 23.00/23.30.

Høg allsangfaktor med andre ord – dette skjer fredag 25. april og laurdag 26. april klokka 19 begge kveldar. Les meir og eventuelt førehandsbestill plass på Lærdal ferie- og fritidspark sine nettsider.