Dei siste åra har Lærdal kommune, næringsaktørar og organisasjonslivet arrangert Lyse dagar i Lærdal i slutten av april. Då feirar me at sola er attende og våren for alvor komen til den djupe, vakre dalen vår.

I år blir det nesten ei veke med arrangement frå tysdag 22. april til søndag 27. april - det blir eit spennande og svært variert program! No frå midten av mars att slepper me eitt og eitt av arrangementa som går av stabelen, så kjem også fullstendig program når alt er klart.

Her kjem noko som gjer godt for kropp, sjel og konkurranseinstinktet:

Søndag 27. april frå mellom kl. 10 og 11

Lærdalsløpet

Løpet er kring 7 kilometer langt og startar frå Lærdalsøyri skule med ei rundløype opp på Moldosida og nedatt. Her deltek både familiar, mosjonistar og aktive løparar - Lærdalsløpet har faktisk vorte arrangert sidan tidleg på 80-talet!

Påmelding og start mosjonistar: Mellom kl. 10 og 11

Start aktive: kl. 11

  • Ein får medalje når ein har delteke i 3, 6 eller 10 år
  • Ein får krystall når ein har delteke i 15, 20, 25, 30 eller 35 år
  • Det blir utdelt nokre premiar trekte på startnummer

Startkontingent:

  • Familie (foreldre m/born opp til 15 år):  200 kr.
  • Vaksne: 100 kr.
  • Born: 50 kr.
  • Aktive med tidtaking: 100 kr