Frisklivssentralen får i hovudsak tilmeldingar om behov for tenester frå fastlegane. Frisklivssentralen har tilbod om individuelle samtalar kring livstilsendring, i tillegg til mange aktivitetstilbod som er drifta av fysioterapitenesta. 

For å kunne nytta seg av av aktivitetsgrupper, må det definerast eit behov for dei ulike tilboda og alt skal journalførast. Derfor må alle som skal nytta seg av gruppetilboda ha vore innom fysioterapitenesta eller Frisklivssentralen for å kunne delta. 

Alle gruppetilboda, bortsett frå Sterk og stødig-gruppa, er leia av fysioterapeut. Betaling for gruppene som vert leia av fysioterapeut vert taksta med eigenandel som inngår i HELFO si frikortordning. I tillegg til dei gruppene Frisklivssentralen driftar sjølve, har dei tilsette som jobbar med frisklivsarbeid god oversikt over andre aktivitetstilbod i Lærdal som er i regi av idrettslaget eller andre frivillige organisasjonar, og som kan vera aktuelle for deg. 

Oversikt over Frisklivssentralen sine gruppetilbod som gjeld frå og med mars 2025: 

Måndag: 

Bassengtrening med fysioterapeut Ace i bassenget ved Lærdalsøyri skule, klokka 13.45-14.30.  Påmelding til telefon 47469637. Maks antal deltakarar 10 stk. 

Medisinsk yoga med fysioterapeut  Hanne ved Lærdal helsesenter klokka 15.30. Her får ein plass etter tilvising frå lege, fysioterapeut. Er for tida venteliste for å få plass. 

Tysdag:

Sterk og stødig leia av frivillige instruktørar Inger Solheim og Marit Eri, i gymsalen ved gamle Ljøsne skule klokka 11.00-12.30. Ingen påmelding. Open gruppe for eldre som ha behov for balansetrening og styrketrening bein. Gratis. 

Styrketrening på Lærdal gym med turnusfysioterapeut Lilja, klokka 09.30-10.30. Påmelding til telefon 40410328. 

Onsdag:

Sirkeltrening med fysioterapeut Ace på Lærdal helsesenter, klokka 14.00. Påmelding til telefon 47469637. Påmeldinga startar måndag same veke, er plass til maks 10 deltakarar.  

Torsdag:

Bassengtrening med fysioterapeut Iris i bassenget ved Borgund oppvekstsenter klokka 12.30-13.20. Påmelding til telefon 40410328. Er plass til maks 10 deltakarar. 

 

Følg med på Lærdal kommune sin aktivitetskalendar Friskus for meir informasjon kring dei ulike gruppetilboda. Klikk på denne lenkje for å sjå aktivitetstilboda i Fiskus-kalendaren.

Lærdal Frisklivssentral tilbyr også nokre digitale kurs gjennom andre frisklivssentralar som t.d. tobakksluttkurs og søvnkurs. Oppstartsdato og lenkje til påmelding vert lagt ut i FRISKUS fortløpande.